المنتدى الرسمى لجريدة اخبار العالم العربى الدولية
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 رســــــــــــــــــــــــــــــــــالة شهيــــــــــــــــــــــــــــــــد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
teacher
Admin


المساهمات : 63
تاريخ التسجيل : 09/03/2011

مُساهمةموضوع: رســــــــــــــــــــــــــــــــــالة شهيــــــــــــــــــــــــــــــــد   الثلاثاء مارس 29, 2011 8:06 pm

( رسالة شهيد )


امى الحبيبة...
من فوق....سبع سنوات..
من..جنة الجنات ...
بعد السلام....بعد التحية..
يا بلدى..الحرة الأبية.. منير مطر
هتصدقينى...؟
وحشتينى...
مع انى..من ساعة..
كنت..فى الميدان..
ويا... شباب...
اسود.....شجعان...
احمد جنب مينا...
جرجس..فى ايد عثمان
وقفنا....
نشيل..الدمع..من عينك..
نمشى..اللى بايعينك..
حدفونا...بالرصاص..
قا لوا عليه..مطاطى..
متصدقيش..
لسان..خسيس... واطى..
ما بيختشيش..
جريت على ..صاحبى..
ماعرفت لوش..وش..
داسه..كاوتش..
طاغى....
مابيرحمش...
سال الدم..يامايا..
وبقى الميدان..
احمر..
زعقنا..بكل ما فينا..
ارحل..
مفيش حد..بيفكر..
قضوا..ع اليابس..
وع الاخضر...
بتقولى..
سنى..
كان هناك ..اصغرمنى..
ولدوبنت...
وكان هناك..اكبر منى..
راجل وست...
ما يهمكيش...
نموت احنا ...
عشان..بلدنا..تعيش..
متعرفيش...
تميزى..بينا..
فى الميدان..
مسلم ويا مسيحى..
سلفى..فى ايد اخوان..
ولقيتنى يامة..
وانا باهتف..
باقول..يارب..
جاتنى.. طعنة قوية..
نفدت..
جوة..القلب..
وعرفت انه..
مجرم..
من بتوع..الحزب..
جرى بيا..
اخويا..
من جيش المشير..
لكن الدم..سايل..
والروح..خلاص..
هتطير..
وفوقت يامة..
لقيتنى..
ويا اللى سبقونى..
خايفين..عليكى يا بلدى..
م اللى قتلونى..
وشفنا ...
ليل الظلم.. ولى
وطلع النهار..
وبقيتى ..يا غالية..
حرةالاحرار....

خالد..
بلال..سالى....
وغيرنا..كتير..
بيباركوا..ويهنوا..
بثورة..التحرير..
قولى..
لاخوانى..
اللى جوه..
واللى بره..
تعالوا..
فى احضانى..
نرسم املنا...
لبكره..
ماراح خلاص ...الخوف..
والأذى..والسجن..
تعالوا..يللا نشيل...
من كل عين00الحزن..
واخيرا..
خللى بالك..
م اللى..عاملين..صحابك..
وهما..غدارين...
اوعى..تفتحى بابك..
غير..لولادك المخلصين..
امى..
لو رجعلى العمر..تانى..
مش هسيبك..
مهما..تعدى السنين..
حبيببتى..
وانا حبيبك...
مانتى..بلد الطيبين..
والختام..
هتصدقينى..؟
وحشينى..
مانتى نور عينى..
***********
منير مطر السبت 12/2/2011

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elhadad.forumegypt.net
 
رســــــــــــــــــــــــــــــــــالة شهيــــــــــــــــــــــــــــــــد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جريدة اخبار العالم العربى الدولية :: العدد الرابع :: صفحات لا تنسى فى تاريخ مصر-
انتقل الى: